Ik Lafz-E-Mohabbat Kaa Adanaa Saa Fasaanaa Hai
Simate To Dil-E-Aashiq Phaile To Zamaanaa Hai

Ye Kis Kaa Tasavvur Hai Ye Kis Kaa Fasaanaa Hai
Jo Ashk Hai Aankhon Men Tasbiih Kaa Daanaa Hai

Muddat Mein Vo Phir Taazaa Mulaaqaat Kaa Aalam
Khaamosh Adaaon Mein Vo Jazbaat Kaa Aalam

Allaah Re Vo Shiddat-E-Jazbaat Kaa Aalam
Kuchh Kah Ke Vo Bhuulii Huii Har Baat Kaa Aalam

Shaayar-E-Fitarat Huun Main
Jab Fikr Farmaataa Huun Main
Ruuh Ban Kar Zarre-Zarre Mein
Samaa Jaataa Huun Main

[Shaayar-E-Fitarat=poet Of Nature;
Fikr Farmaanaa=express A Thought]

Tabiiyat In Dinon Begaanaa-E-Gam Hotii Jaatii Hai
Mere Hisse Kii Goyaa Har Khushii Kam Hotiii Jaatii Hai

Vahii Hai Shaahid-O-Saaqii, Magar Dil Bujhataa Jaataa Hai
Vahii Hai Shammaa Lekin Roshanii Kam Hotii Jaatii Hai

Isii Chaman Mein Hii Hamaaraa Bhii Ik Zamaanaa Thaa
Yahiin Kahiin Koii Saadaa Saa Aashiyaanaa Thaa

Nasiib Ab To Nahiin Shaakh Bhii Nasheman Kii
Ladaa Huaa Kabhii Phuulon Se Aashiyaanaa Thaa

Tujhii Se Ibtadaa Hai Tuu Hii Ik Din Intahaa Hogaa
Sadaa-E-Saaz Hogii Aur Na Saaz-E-Besadaa Hogaa

Hamen Maaluum Hai Ham Se Suno Mahashar Men Kyaa Hogaa
Sab Us Ko Dekhate Honge Vo Hamako Dekhataa Hogaa

Baraabar Se Bachakar Guzar Jaane Vaale
Ye Naale Nahiin Be-Asar Jaane Vaale

[Naale=sighs]

Ishq Ko Be-Naqaab Honaa Thaa
Aap Apanaa Javaab Honaa Thaa

Terii Aankhon Kaa Kuchh Qusuur Nahiin
Haan Mujhii Ko Kharaab Honaa Thaa

Vo Kaafir Aashanaa Naa Aashnaa Yuun Bhii Hai Aur Yuun Bhii
Hamaari Ibtadaa Taa Intahaa Yuun Bhii Hai Aur Yuuin Bhii

Ta’ajjub Kyaa Agar Rasm-E-Vafaa Yuun Bhii Hai Aur Yuun Bhii
Ki Husn-O-Ishq Kaa Har Masal’aa Yuun Bhii Hai Aur Yuun Bhii

Os Pade Bahaar Par Aag Lage Kanaar Mein
Tum Jo Nahiin Kanaar Mein Lutf Hii Kya Bahaar Mein

Us Pe Kare Khudaa Raham Gardish-E-Rozagaar Mein
Apanii Talaash Chodakar Jo Hai Talaash-E-Yaar Mein