Zakhm Kya-Kya Na Zindagi Se Mile,
Khwaab Palkon Se Berukhi Se Mile,
Aap Ko Mil Gaye Hain Qismat Se,
Hum Zamaane Mein Kab Kisi Ko Mile?
Aise Khushbu Se Mil Raha Hai Gulaab,
Jiss Tarah Raat, Roshani Se Mile,
Hum Faqeeron Se Dosti Hai Magar,
Uss Se Kehna Ki Saadagi Se Mile,
Dil Mein Rakhte Hain Ehtiyaat Se Hum,
Zakhm Jo-Jo Bhi Jis Kisi Se Mile,
Zindagi Se Gale Mile To Laga,
Ajnabi Jaise Ajnabi Se Mile,
Uss Ke Seene Mein Dil Nahi Tha “Batool“.
Hum Ne Socha Tha Aadmi Se Mile.
By Fakhira Batool
More Shayari by Fakhira Batool
Na shab o roz acha hai,na haal acha hai
kisi jogi ney kaha tha k ye saal acha hai,
mainey pocha k wafa muqadar mein hai
muskaratey huwey bola k sawal acha hai,
wo mere hath dekhtey huwey bola
tum per muqaddar ka zawal acha hai,
mene pocha k meri qismat mein kiya likha hai
maathey pey shikan daaley muj sey kehney lga tu tanha hi acha hai.