Chhalkaya Jaam-E-Ulfat Unhone Khumaar Mein,
Tinke Ki Manind Beh Gaye Hum Aabshaar Mein,
Yun Laga Khile Hain Phool Phir Bahaar Mein,
Baab-E-Jannat Khul Gaya Mere Mazaar Mein,
Phailaya Rang-E-Shafqat Aise Dayaar Mein,
Raha Nahi Phir Kuch Karna Ikhtiyaar Mein,
Phir Payi Aisi Thandak Dil-E-Beqaraar Ne,
Kaanton Ki Mala Badli Phoolon Ke Haar Mein,
Thukrayi Shaan-O-Shaukat Unhone To Pyaar Mein,
Jaane Kya Aya Nazar Is Khaaksaar Mein?
By Ahmad Hyderabadi
More Shayari by Ahmad Hyderabadi