Kisi Ki Yaad Mein Palkain Zara Bhigo Lete
Udaas Raat Ki Tanhaiyon Mein Ro Lete

Dukhon Ka Bojh Akele Nahi Sambhalta Hai
Kahin Woh Milta To Us Se Lipat Ke Ro Lete

Paresaan Tum Nahi Hona
Kabhi Chup Kar Nahi Rona

Judai Zehar Hoti Hai
Mujhe Maaloom Hai Lekin

Woh Jazbon Ki Tijaarat Thi
Yeh Dil Kuch Aur Samjha Tha

Usse Hasne Ki Aadat Thi
Yeh Dil Kuch Aur Samjha Tha

Zindagi Mili Kuch Zara Si Thi
Kuch Is Mein Kami Bhi Zara Si Thi

Woh Roz Hote Gaye Paas Se Paas Mere
Lekin Doori Phir Bhi Kuch Zara Si Thi

Ek Pal Bhi Chen Se Guzra Ho To
Qasam Le Lo

Siwaye Yaadon Ke Koi Aur Sahara Ho To
Qasam Le Lo

Mere Aane Se Yun Chup Na Jaya Karo
Saaf Kehdo Ke Mere Ghar Na Aaya Karo

Jab Bhi Barsaat Ho To Rooth Jaati Ho
Tum Aise Mausam Main Dil Na Jalaya Karo

Ek Ghazal Woh Bhi Sunaye To Maza Aayega
Kuch Aansoo Woh Bhi Bahaye To Maza Aayega

Kehdo Sabhi Se Mere Gham Buhat Gehrey Hain
Gar Woh Marham Lagaye To Maza Aayega

Khawaab Mein Aakar Woh Meri Neend Urati Thi Bohat
Har Ghari Woh Mujhko Dekh Kar Muskuraati Thi Bohat

Chor Hi Dena Para Ghabra Kar Us Ke Shehar Ko
Yaad Uski Raat Din Mujhko Rulati Thi Bohat

Darguzar Uski Har Jafa Kardi
Us Ke Haq Mein Aaj Phir Dua Kardi

Ek Lamhay Mein Kho Diya Usko
Jisko Paanay Mein Intehaa Kardi

Hum Na Samjhe Teri Nazron Ka Taqaza Kya Hai
Kabhi Jalwa Kabhi Parda Ye Tamasha Kya Hai

Mujhko Madhosh Sa Kar Rakha Hai Teri Aankhon Ne
Warna Aae Saqi Tere Maikhane Mein Rakha Kya Hai