Aaj Ham Bichhade Hain To Kitane Rangile Ho Gaye
Meri Aankhen Surkh Tere Haath Pile Ho Gaye

Kab Ki Patthar Ho Chuki Thi Muntazir Aankhen Magar
Chhu Ke Dekhaa To Mere Haath Gile Ho Gaye

Zamin Pe Chal Na Sakaa Aasmaan Se Bhi Gayaa
Kataa Ke Par Ko Parindaa Udaan Se Bhi Gayaa

Tabaah Kar Gai Pakke Makaan Ki Khvaahish
Main Apane Gaaon Ke Kachche Makaan Se Bhi Gayaa

Thukaraao Yaa Ab Ke Pyaar Karo Main Nashe Mein Hun
Jo Chaaho Mere Yaar Karo Main Nashe Mein Hun

Ab Bhi Dilaa Rahaa Hun Yaqin-E-Vafaa Magar
Meraa Na Aitabaar Karo Main Nashe Mein Hun

Nind Se Aankh Khuli Hai Abhi Dekhaa Kyaa Hai
Dekh Lenaa Abhi Kuchh Der Mein Duniyaa Kyaa Hai

Baandh Kar Rakhaa Hai Kisi Soch Ne Ghar Se Ham Ko
Varanaa Dar-O-Divaar Se Rishtaa Kyaa Hai

Main Na Hindu Na Musalamaan Mujhe Jine Do
Dosti Hai Meraa Imaan Mujhe Jine Do

Koi Ehasaan Na Karo Mujh Pe To Ahasaan Hogaa
Sirf Itanaa Karo Ehasaan Mujhe Jine Do

Karb Chehare Se Maah-O-Saal Kaa Dhoyaa Jaaye
Aaj Fursat Se Kahin Baith Ke Royaa Jaaye

Phir Kissi Nazm Ki Taamid Uthaai Jaaye
Phir Kisi Jism Ko Lafzon Mein Samoyaa Jaaye

Gam Ka Khazaanaa Teraa Bhi Hai Meraa Bhi
Ye Nazaraanaa Teraa Bhi Hai Meraa Bhi

Apane Gam Ko Git Banaake Gaa Lenaa
Raag Puraanaa Teraa Bhi Hai Meraa Bhi

Besabab Baat Badhaane Ki Zarurat Kyaa Hai
Ham Khafaa Kab The Mainaane Ki Zarurat Kyaa Hai

Aap Ke Dam Se To Duniyaa Kaa Bharam Hai Qaayam
Aap Jab Hain To Thikaane Ki Zarurat Kyaa Hai

Koi Lay Jata Hai Us Tak Na Kazaa Aati Hai
Aap Ho Kar Mujhe Jane Mein Haya Aati Hai
Majboor Karke  Muj Ko Mere Yaar Le Chalo,
Uski Gali Mein Phir Mujhey Ek Baar Le Chalo.

Shayad Ye Mera Weham Ho Mera Khayal Ho,
Mumkin Ho Mere Baad Use Mera Malaal Ho,
Pachta Raha Ho Ab Mujhey Darr Se Utha Ke Woh,
Baitha Ho Meri Raah Me Aankhein Beecha Ke Woh,