Vo Na Duur Hai Na Qariib Hai
Ye Jo Hijr Hai Ye Nasiib Hai
Jo Visaal Thaa Vo To Khvaab Thaa
Ye Khayaal Kitanaa Ajiib Hai
Vo Khvaab Thaa Bikhar Gayaa Khayaal Thaa Milaa Nahiin
Magar Ai Dil Ko Kyaa Huaa Kyon Bujh Gayaa Pataa Nahiin
Har Ek Din Udaas Din Tamaam Shab Udaasiyaan
Kisii Se Kyaa Bichhad Gaye Ki Jaise Kuchh Bachaa Nahiin
Tere Qariib Rahuun Yaa Ki Duur Jaauun Main
Hai Dil Kaa Ek Hii Aalam Tujhii Ko Chaahuun Main
Main Jaanataa Huun Vo Rakhataa Hai Chaahaten Kitanii
Magar Ye Baat Use Kis Tarah Bataauun Main
Is Mein Koii Shikavaa Na Shikaayat Na Gilaa Hai
Ye Bhii Koii Khat Hai Ki Mohabbat Se Bharaa Hai
Kyaa Yaad Dilaayenge Mujhe Mere Sitamgar
Har Naqsh-E-Sitam Khud Mere Siine Pe Likhaa Hai