Aur Sab Bhuul Gaye Harf-E-Sadaaqat Likhanaa
Rah Gayaa Kaam Hamaaraa Hii Bagaavat Likhanaa

Laakh Kahate Rahen Zulmat Ko Na Zulmat Likhanaa
Ham Ne Siikhaa Hii Nahiin Pyaare Baaijaazat Likhanaa

Is Shehar-E-Kharaabi Mein Gham-E-Ishq Ke Maarey
Zinda Hain Ye Hi Baat Barhi Baat Hai Piyaarey

Ye Hansta Hua Chand Ye Pur Noor Sitaarey
Taabinda-O-Paayinda Hain Zarron Ke Sahaarey

Dil Ki Baat Labon Par Lakar Ab Tak Dukh Sehte Hain
Hum Ne Suna Tha Is Basti Mein Dil Waale Bhi Rehte Hain

Beet Gaya Sawaan Ka Maheena Mausam Ne Nazrein Badli
Lekin In Pyaasi Aankhon Mein Ab Tak Aansoon Behte Hain

Ye Aur Baat Terii Galii Mein Na Aayen Ham
Lekin Ye Kyaa Ki Shahar Teraa Chhod Jaayen Ham

Muddat Huii Hai Kuu-E-Butaan Kii Taraf Gaye
Aavaaragii Se Dil Ko Kahaan Tak Bachaayen Ham