Shauq Har Rang Raqiib-E-Sar-O-Saamaan Nikalaa
Qais Tasaviir Ke Parde Men Bhii Uriyaan Nikalaa

[Raqiib=opponent, Sar-O-Saamaan=with Belongings,
Qais=’majanuun’, Uriyaan=nude ]

Kyonkar Us But Se Rakhuun Jaan Aziiz
Kyaa Nahiin Hai Mujhe Iimaan Aziiz

Dil Se Nikalaa Pa Na Nikalaa Dil Se
Hai Tere Tiir Kaa Paikaan Aziiz

Zikr Us Pariivash Kaa, Aur Phiir Bayaan Apanaa
Ban Gayaa Raqiib Aakhiir Thaa Jo Raazadaan Apanaa

[Pariivash=angel/beauty/fairy, Raqiib=enemy, Raazadaan=friend]

Jaur Se Baaz Aaye Par Baaz Aayen Kyaa
Kahate Hain Ham Tum Ko Muunh Dikhalaayen Kyaa

[Jaur=opression]

Har Ek Baat Pe Kahate Ho Tum Ki Tuu Kyaa Hai
Tumhiin Kaho Ke Ye Andaaz-E-Guftaguu Kyaa Hai

Na Shole Mein Ye Karishmaa Na Barq Mein Ye Adaa
Koii Bataao Ki Vo Shokh-E-Tundakhuu Kyaa Hai

Ek Ek Qatare Kaa Mujhe Denaa Padaa Hisaab
Khuun-E-Jigar Vadiiat-E-Mishagaan-E-Yaar Thaa

Ab Main Huun Aur Maatam-E-Yak Shahar-E-Aarazuu
Todaa Jo Tuu Ne Aaiinaa Timasaal Daar Thaa

Aah Ko Chaahiye Ik Umr Asar Hone Tak
Kaun Jiitaa Hai Terii Zulf Ke Sar Hone Tak

Daam Har Mauj Men Hai Halqaa-E-Sadkaam-E-Nahang
Dekhen Kyaa Guzare Hai Qatare Pe Gauhar Hone Tak

Dil Hii To Hai Na Sang-O-Khisht Dard Se Bhar Na Aaye Kyuun
Roenge Ham Hazaar Baar Koii Hamen Sataaye Kyuun

[Sang=stone, Khisht=brick]

Dost Gamkhvaarii Mein Merii Saii Farmaayenge Kyaa
Zakhm Ke Bharane Talak Naakhun Na Badh Jaayenge Kyaa

Beniyaazii Had Se Guzarii Bandaa Paravar Kab Talak
Ham Kahenge Haal-E-Dil Aur Aap Farmaayenge Kyaa

Chaahiye Achchhon Ko Jitanaa Chaahiye
Ye Agar Chaahen To Phir Kyaa Chaahiye

Sohabat-E-Rindaa Se Vaajib Hai Hazar
Jaa-E-Mai Apane Ko Khenchaa Chaahiye