Mudaton Baad Dil-E-Zadgan Nay
Aik Purkaif Sa Unwan Chunna

Apnay Ander Khudi Kay Dhagay Say
Aam Sa Khak Ka Bhagwan Buna

Basti Basti Koocha Koocha Phirta Tanha Ik Awara
Kiya Iss Ka Rain Basaira Ho Hay Janam Janam Se Banjara

Iss Jag Ke Jhootay Vaidon Ka Na Pun Sacha Na Paap Sahi
Ab Atmmaon Ki Kerni Ko Yeh Jism Bharay Kion Bechara

Samnay Woh Hain Aur Gulaal Nahin
Chaand Tera Bhi Koi Haal Nahin

Unn Ki Duuri Se Hi Uter Jaye
Ishq Aisa Koi Ubaal Nahin

Meri Jaan Youn Na Udass Ho
Keh Woh Chand Lamhon Ki Ankahi

Tera Pairahan Ki Rafu Gari
Mere Bas Main Ab Na Rahi To Kiya

Ajab Se Din Hain Jo Kat Rahay Hain
Na Roz O Shab Ka Hisab Koi

Na Neel Ankhon  Ke Khwab Koi
Sawal Koi Jawab Koi

Aur Yeh Zeesat Khwab Jaisi Hai
Khwab Kuch Khaan Mast Halon Kay

Aur Kuch Jada Hashm Walon Kay
Farq Tabeer Main Youn Hota Hai

Kal Dasht E Talb Kay Kisay Main Daali Jo Roop Ki Bheek Miyaan
Iss Wehshi Ko To Lagay Hai Yeh Man Sagar Tu Seep Miyaan

Aye Kash Juda Ho Jayin Hum Aika Aisa  Bhi Theek Nahin
Iss Saz E Alam Kay Dohay Ka Hoon Main Mukhra Tu Teep Miyaan

Raat Bhar Hamkalam Thay Saye
Raat Bhar Teri Guftagu Thehri

Waqt Ik Be_rehem Bhanwar Nikla
Lamhay Lamhay Ki Justaju Thehri

Ajj Phir Tera Wasl Ki Chaon
Hijer Ki Dhoop Kaat Ker Ayi

Ajj Phir Dasht E Talb Se Umeed
Nangay Paon Nangay Sir Ayi

Bohat Dinon Sa Ramooz E Ahan Garri Ka Qur Aan
Mere Sarhanay Talay Para Hay

Hajum Andar Hajum Arzan
Kahaniyon Kay Hunood Jaisay