Tum Nagmaa-E-Maah Ho Anjum Ho
Tum Soz-E-Tamannaa Kyaa Jaano
Tum Dard-E-Muhabbat Kyaa Samajho
Tum Dil Kaa Tadapanaa Kyaa Jaano
[Maah = Moon; Anjum = Star;
Soz = Burning/heat]
Un Aankhon Kaa Aalam Gulaabii Gulaabii
Mere Dil Kaa Aalam Sharaabii Sharaabii
Nigaahon Ne Dekhii Muhabbat Ne Maanii
Terii Bemisaalii Terii Laajavaabii
Divana Banana Hai To Divana Banaa De
Varna Kahin Taqadir Tamasha Na Banaa De
Ai Dekhanevaalo Mujhe Hans Hans Ke Na Dekho
Tum Ko Bhi Mohabbat Kahin Mujh-Sa Na Banaa De
Ai Jazbaa-E-Dil Gar Main Chaahuun
Har Chiiz Muqaabil Aa Jaaye
Manzil Ke Liye Do Gaam Chaluun
Aur Saamane Manzil Aa Jaaye
Ai Dil Kii Khalish Chal Yuun Hii Sahii,
Chalataa To Huun Unakii Mahafil Mein
Us Vaqt Mujhe Chaunkaa Denaa
Jab Rang Pe Mahafil Aa Jaaye
Ab Hai Khushii Khushii Mein Na Gam Hai Malaal Mein
Duniyaa Se Kho Gayaa Huun Tumhaare Khayaal Mein
Mujh Ko Na Apanaa Hosh Na Duniyaa Kaa Hosh Hai
Mast Hoke Baithaa Huun Tumhaare Khayaal Mein
Zindaa Huun Is Tarah Ki Gam-E-Zindagii Nahiin
Jalataa Huaa Diyaa Huun Magar Roshanii Nahiin
Wo Muddaten Huiin Hain Kisii Se Judaa Hue
Lekin Ye Dil Ki Aag Abhii Tak Bujhii Nahiin