Khizaan Ke Rang Mein Abhii Bahaar Baaqii Hai
Chiraag-E-Sahar Hai Par Intazaar Baaqii Hai
Hamen Salaam Karo Ai Havaadis-E-Dauraan
Tumhaare Saath Hain Phir Bhii Qaraar Baaqii Hai
Ik Tum Ke Dil Mein Dard Kisii Gair Ke Liye
Ik Ham Ke Dard Ban Gaye Khud Aap Ke Liye
Ham Apane Aashiyaane Mein Tere Muntazir
Tum Tinke Chun Rahe The Kisii Aur Ke Liye
Zulm Ke Paaon Se Jo Phuul Masal Jaate Hain
Khaar Ban Kar Vahii Patthar Pe Nikal Aate Hain
Phir Bahaaron Kii Zaruurat Nahiin Rahatii Un Ko
Ye Khizaan Mein Bhii Badii Shaan Se Khil Jaate Hain