Soch Me Pad Jaata Hun Yunhi Main Kabhi Kabhi
Khud Ki Khushnaseebi Pe Yakeen Hi Nahi Hota

Ki Koi Seedha Mere Khwabon Se Meri Zindagi Me Bina Dastak Diye Aata Hai Aur
Achanak Hi Uske Bina Zindagi Sooni Sooni Si Lagne Lagti Hai

Sailaani To Kai Huye Honge
Sair Bhi Unhone Kaafi Kari Hogi

Par Apne Hi Shahar Me Sailani Hona
Kaisa Lagta Hai Ye Humse Poochiye

Ashq Giren To Chunn Bhi Loon Main
Lafz Bahen To Sunn Bhi Loon Main
Kya Karoon Unn Ankahi Baaton Kaa
Kya Unse Sapne Bunn Bhi Loon Main

Unn Aankhon Me Jhaank Loon To
Saansen Tham Si Jaati Hain
Gar Imtihaan Dena Ho Kabhi
To Saansen Apni Rok Bhi Doon Main