Us Kii Hasarat Hai Jise Dil Se Mitaa Bhii Na Sakuun
Dhuundhane Us Ko Chalaa Huun Jise Paa Bhii Na Sakuun

[Hasarat=desire ]

Tund Main Aur Aise Kamsin Ke Liye
Saaqiyaa Halkii Sii Laa In Ke Liye

Mujh Se Rukhsat Ho Meraa Ahad-E-Shabaab
Yaa Khudaa Rakhanaa Naa Us Din Ke Liye

Kah Rahii Hai Hashr Mein Vo Aankh Sharmaaii Huii
Haaye Kaise Is Bharii Mahafil Men Rusvaaii Huii

Aaiine Mein Har Adaa Ko Dekh Kar Kahate Hain Vo
Aaj Dekhaa Chaahiye Kis Kis Kii Hai Aaii Huii

Jhonkaa Idhar Na Aaye Nasiim-E-Bahaar Kaa
Naazuk Bahut Hai Phuul Charaag-E-Mazaar Kaa

Phir Baithe Baithe Vaadaa-E-Vasl Us Ne Kar Liyaa
Phir Uth Khadaa Huaa Vahii Rog Intazaar Kaa

Jab Se Bul-Bul Tuu Ne Do Tinake Liye
Tuutatii Hai Bijaliyaan In Ke Liye

Hai Javaanii Khud Javaanii Kaa Singaar
Saadagii Gahanaa Hai Us Sinn Ke Liye

Ishq Mein Jaan Se Guzarate Hain Guzarane Vaale
Maut Kii Raah Nahiin Dekhate Marane Vaale

Aakhirii Vaqt Bhii Puuraa Na Kiyaa Vaadaa-E-Vasl
Aap Aate Hii Rahe Mar Gaye Marane Vaale

Hans Ke Faramaate Hain Vo Dekh Kar Haalat Merii
Kyon Tum Aasaan Samajhate The Muhabbat Merii

Baad Marane Ke Bhii Chhodii Na Rafaaqat Merii
Merii Turbat Se Lagii Baithii Hai Hasarat Merii

Bandaa Navaaziyon Pe Khudaa-E-Kariim Thaa
Karataa Na Main Gunaah To Gunaah-E-Aziim Thaa

Baaten Bhii Kii Khudaa Ne Dikhaayaa Jamaal Bhii
Vallaah Kyaa Nasiib Janaab-E-Kaliim Thaa

Achchhe Isaa Ho Mariizon Kaa Khayaal Achchhaa Hai
Ham Mare Jaate Hain Tum Kahate Ho Haal Achchhaa Hai

Tujh Se Maanguun Main Tujhii Ko Ki Sab Kuchh Mil Jaaye
Sau Savaalon Se Yahii Ek Savaal Achchhaa Hai