Tuu Mujhe Itane Pyaar Se Mat Dekh
Terii Palakon Ne Narm Saaye Men

Dhuup Bhii Chaandanii Sii Lagatii Hai
Aur Mujhe Kitanii Duur Jaanaa Hai

Phir Ek Din Aisaa Aayegaa
Aankhon Ke Diye Bujh Jaayenge
Haathon Ke Kanval Kumhalaayenge

Aur Barg-E-Zabaan Se Nataq-Va-Sadaa
Kii Har Titalii Ud Jaayegii

Main Jahaan Tum Ko Bulaataa Huun Vahaan Tak Aao
Merii Nazaron Se Guzar Kar Dil-O-Jaan Tak Aao

Phir Ye Dekho Ki Zamaane Kii Havaa Hai Kaisii
Saath Mere Mere Firdaus-E-Javaan Tak Aao

Kaam Ab Koii Na Aayegaa Bas Ik Dil Ke Sivaa
Raaste Band Hain Sab Kuuchaa-E-Qaatil Ke Sivaa

Baa_is-E-Rashq Hai Tanhaaravii-E-Rah_rau-E-Shauq
Ham_safar Ko_ii Nahiin Duurii-E-Manzil Ke Sivaa

Sirf Laharaa Ke Rah Gayaa Aanchal
Rang Ban Kar Bikhar Gayaa Koii

Gardish-E-Khuun Ragon Men Tez Huii
Dil Ko Chuukar Guzar Gayaa Koii

Merii Vaadii Men Vo Ik Din Yuun Hii Aa Nikalii Thii
Rang Aur Nuur Kaa Bahataa Huaa Dhaaraa Ban Kar

[Vaadii=valley; Nuur=light]

Ek Juu-E-Dard Dil Se Jigar Tak Ravaan Hai Aaj
Pighalaa Huaa Ragon Men Ik Aatish-Fishaan Hai Aaj

[Juu-E-Dard=river Of Pain; Ravaan=flowing/moving]
[Rag=vein; Aatish-Fishaan=volcano]

Abhii Aur Tez Kar Le Sar-E-Khanjar-E-Adaa Ko
Mere Khuun Kii Hai Zaruurat Terii Shokhii-E-Hinaa Ko

Tujhe Kis Nazar Se Dekhe Ye Nigaah-E-Dard_aagiin
Jo Duaayen De Rahii Hai Terii Chashm-E-Bevafaa Ko