Bas Ek Harf-E-Aagahi, Bas Ek Izn-E-Guftagoo,
Aisa Mile Lamha Koi, Baatein Hon Tere Ru-Baroo,
Kal Raat Poore Chaand Ko Dekha Nahate Jheel Mein,
Bilkul Shabahat Thi Teri, Chehra Tha Tera Hoo-Bahoo,
Meri Chahat Meri Mohabbat Ho,
Tum Meri Zeest Ki Haqiqat Ho,
Pankhuri Honth Hain Tere Jaana,
Jism Aise Ke Jaise Moorat Ho,
Apni Aankhein, Honth, Zulfein, Jism Pyara Dekhna,
Meri Aankhon Se Tum Apna Husn Sara Dekhna,
Aaina Dega Kahan Tujh Ko Tere Rukh Ki Khabar,
Chaudhvin Ka Chaand Hai Chehra Tumhara Dekhna,
Jab Sar-E-Bazm Naam Lete Ho,
Jaan Meri Tamaam Lete Ho,
Be-Dhadak Aaiye Sanam Dil Mein,
Kyun Takalluf Se Kaam Lete Ho,
Ishq Bhi Ab Marhal Drr Marhala Ho Jaye Ga,
Gham E Janan Se Gham E Doran Siwa Ho Jaye Ga,
Rok Le Ga Wo Bhi Ab Jazbat Ke Tufan Ko,
Zabt E Gham Ka Mujh Ko Bhi Ab Hosla Ho Jaye Ga,