Ab Do Aalam Se Sadaa-E-Saaz Aatii Hai Mujhe
Dil Kii Aahat Se Terii Aavaaz Aatii Hai Mujhe

Yaa Samaat Kaa Bharam Hai Yaa Kisii Nagme.N Kii Guu.Nj
Ek Pahachaanii Hu_ii Aavaaz Aatii Hai Mujhe

Phuulon Kii Aarazuu Men Bade Zakhm Khaaye Hain
Lekin Chaman Ke Khaar Bhii Ab Tak Paraaye Hain

Us Par Haraam Hai Gam-E-Dauraan Kii Talkhiyaan
Jisake Nasiib Men Terii Zulfon Ke Saaye Hain

Ai Maigusaaro.N Savere Savere
Kharaabaat Ke Gird Phere Pe Phere

Ba.Dii Roshanii Bakhshate Hai.N Nazar Ko
Tere Gesuuo.N Ke Muqaddas A.Ndhere

Tere Dar Pe Vo Aa Hii Jaate Hain
Jin Ko Piine Kii Aas Ho Saaqii

Aaj Itanii Pilaa De Aankhon Se
Khatm Rindon Kii Pyaas Ho Saaqii

Suuraj Kii Har Kiran Terii Suurat Pe Vaar Duun
Dozakh Ko Chaahataa Huun Ki Jannat Pe Vaar Duun

Itanii Sii Hai Tasallii Ki Hogaa Muqaabalaa
Dil Kyaa Hai Jaan Bhii Apanii Qayaamat Pe Vaar Duun

Subuu Ko Daur Men Laao Bahaar Ke Din Hain
Hamen Sharaab Pilaao Bahaar Ke Din Hain

Ye Kaam Aa_iin-E-Ibaadat Hai Mausam-E-Gul Men
Hamen Gale Se Lagao Bahaar Ke Din Hain

Phuulon Kii Tahaniyon Pe Nasheman Banaayiye
Bijalii Gire To Jashn-E-Charaagaan Manaayiye

[Tahanii = Branch; Nasheman = Nest]
[Jashn-E-Charaagaan = Celebration Of Lights]

Jo Log Jaan Buujh Ke Naadaan Ban Gaye
Meraa Khayaal Hai Ki Vo Insaan Ban Gaye

Ham Hashr Me.N Gaye Magar Kuchh Na Puuchhiye
Vo Jaan Buujh Kar Vahaa.N Anjaan Ban Gaye

Jab Gardisho.N Me.N Jaam The
Kitane Hasii.N Ayyaam The
[Ayyaam = Days]

Ham Hii Na The Rusavaa Faqat
Vo Aap Bhii Bad_naam The
[Rusavaa = Notorious; Faqat = Only]

Ha.Ns Ke Bolaa Karo Bulaayaa Karo
Aap Kaa Ghar Hai Aayaa Jaayaa Karo

Muskurahat Hai Husn Kaa Zevar
Ruup Ba.Dhataa Hai Muskuraayaa Karo