Apni Bewafai Par Sharamsaar Hoon,
Aap Ke Dil Ki Main Gunahgaar Hoon,
Kaise Kahoon Maaf Kar Do Mujhe,
Dard-E-Ruswai Ki Khatawaar Hoon,
Mud Gaye Raah-E-Ulfat Se Kadam,
Jo Na Loute Phir Wo Aitbaar Hoon,
Shokh Jawaani Ki Tasveer Thi Kabhi,
Ab Bas Mayoos Dil-E-Bezaar Hoon,
Umar Bhar Naa Samet Sake Hum,
Ek Bikhri Mohabbat Na-Gawaar Hoon,
Kahaan Talaash Karoon Apni Hasti,
Sehra-E-Zindagi Ka Gubaar Hoon,
Tha Darmiyaan Dilon Mein Kabhi,
Woh Khoya Hua Tera Pyaar Hoon,
Khaayi Thokar Waqt Ki To Jaana,
Main Aaj Bhi Teri Talabgaar Hoon.
By Shireen Hakani
More Shayari by Shireen Hakani