Wahi Phir Mujhe Yaad Aane Lage Hain
Jinhen Bhulaane Men Zamaane Lage Hain
Wo Hain Paas Aur Yaad Aane Lage Hain
Muhabbat Ke Hosh Ab Thikaane Lage Hain
Sunaa Hai Hamen Vo Bhulaane Lage Hain
To Kyaa Ham Unhen Yaad Aane Lage Hain
Hataaye The Jo Raaste Se Doston Ki
Wo Patthar Mere Ghar Men Aane Lage Hain
Ye Kehnaa Thaa Un Se Muhabbat Hai Mujhko
Ye Kehne Men Mujh Ko Zamaane Lage Hain
Qayaamat Yaqinan Qarib Aa Rahi Hai
‘Khumar’ Ab To Masjid Men Jaane Lage Hain