Uski Gali Mein Phir Mujhey Ek Baar Le Chalo

Posted on 21 Sep 2008 | Author: | Dard Bhari Shayari, Ghazals & Lyrics

Koi Lay Jata Hai Us Tak Na Kazaa Aati Hai
Aap Ho Kar Mujhe Jane Mein Haya Aati Hai
Majboor Karke  Muj Ko Mere Yaar Le Chalo,
Uski Gali Mein Phir Mujhey Ek Baar Le Chalo.

Shayad Ye Mera Weham Ho Mera Khayal Ho,
Mumkin Ho Mere Baad Use Mera Malaal Ho,
Pachta Raha Ho Ab Mujhey Darr Se Utha Ke Woh,
Baitha Ho Meri Raah Me Aankhein Beecha Ke Woh,

Usne Bi To Kiya Tha Mujhey Pyar Le Chalo,
Uski Gali Mein Phir Mujhey Ek Baar Le Chalo.
Ab Us Gali Mein Koii Na Aayega Mere Baad,
Us Darr Pe Khoon Kaun Bahayega Mere Baad,

Mainey To Sang O Khisht Se Takra Ke Apna Sir,
Gulnaar  Kar Diye The Lahoo Se Woh Baam O Darr,
Phir Muntazir Hai Woh Darr O Deewar Le Chalo,
Uski Gali Mein Phir Mujhey Mere Yaar Le Chalo.

Woh Jisne Mere Sene Ko Zakmoh Se Bhar Diya
Chudwa Ke Apna Dar Mujhey Dar Dar Ka Kar Diya
Mana Ke Us Ke Zulm- O- Sitam Se Hu Neem Jan
Phir Bhi Mein Sakht Jan Hoon Pohunch Jaonga Wahan

Sau Bar Jaonga Muchey Sau Bar Le Chalo
Uski Gali Mein Phir Mujhey Mere Yaar Le Chalo.
Diwana Keh Ke Logone Har Baat Taal De
Duniya Ne Mere Paun Me Zanjeer Daal De

Chaho To Aaj Mera Mukaddar Sanwaar Do
Yaroon Ye Mere Paun Ki Bedi Utaar Do
Yaa Kheechte Hui Sare Bazaar Le Chalo
Uski Gali Mein Phir Mujhey Mere Yaar Le Chalo.

Ay Sar Phiri Hawaon ! Tumhi Rukh Ko Pher Do
Zarro Ki Tarha Mujh Ko Fizaa Mein Bhikher Do
Bahon Mein Phir Meri Hasti Samet Kar
Pholoon Ki Khushbuon Ke Kafan Mein Lapet Kar

Metti Meri Saja Ke Dare Yaar Le Chalo
Uski Gali Mein Phir Muhey Mere Yaar Le Chalo.
Uski Gali Ko Jaanta Pehchanta Hoon Main,
Woh Meri Qatlgaah Hai Ye Maanta Hoon Main,

Uski Gali Me Maut Muqaddar Ki Baat Hai,
”Shahid” Ye Maut Ahl-E-Wafa Ki Hayat Hai,
Main  Bhi To Maut Ka Hoon Talabgaar Le Chalo,
Uski Gali Mein Phir Muhey Mere Yaar Le Chalo.




Mast Photos For You

Female Hulk In India Indian Team – Sare Ke Sare Tharki Hai Kar Sakta Hai Koi Aisa? Beautiful Beach Sand Art Suicidal Finger Can I Take A Photo I Love To Stay With You Friend Iski To Pakka Fategi Aaj Dear Eye Why You No Handle These Simple Illusions Playful And Delicious Food Art

Shyari SMS Version

There Is No SMS Version For This Shayri.
Receive Daily Shayari By eMail
Or Send JOIN ShersDotIn To 987O8O7O7O To Receive Shayari In SMS.

Leave a Reply