Us Pagli Ladki Ke Liye

Amawas Ki Kaali Raaton Mein Dil Ka Darwaja Khulta Hai,
Jab Dard Ki Pyaali Raaton Mein Gum Ansoon Ke Sang Hote Hain,
Jab Pichwade Ke Kamre Mein Hum Nipat Akele Hote Hain,
Jab Ghadiyan Tik-Tik Chalti Hain, Sab Sote Hain, Hum Rote Hain,
Jab Baar Baar Dohrane Se Saari Yaadein Chuk Jaati Hain,
Jab Unch-Neech Samjhane Mein Mathe Ki Nas Dukh Jaati Hain,
Tab Ek Pagli Ladki Ke Bin Jeena Gaddari Lagta Hai,
Aur Us Pagli Ladki Ke Bin Marna Bhi Bhari Lagta Hai.

Jab Pothe Khali Hote Hain, Jab Har Sawali Hote Hain,
Jab Gazlen Raas Nahin Aatin, Afsane Gaali Hote Hain.
Jab Baasi Feeki Dhoop Sametein Din Jaldi Dhal Jaata Hai,
Jab Suraj Ka Laskhar Chhat Se Galiyon Mein Der Se Jaata Hai,
Jab Jaldi Ghar Jaane Ki Ichha Mann Hi Mann Ghut Jaati Hai,
Jab College Se Ghar Laane Waali Pahli Bus Chhut Jaati Hai,
Jab Beman Se Khaana Khaane Par Maa Gussa Ho Jaati Hai,
Jab Lakh Mana Karne Par Bhi Paaro Padhne Aa Jaati Hai,
Jab Apna Har Manchaha Kaam Koi Lachari Lagta Hai,
Tab Ek Pagli Ladki Ke Bin Jeena Gaddari Lagta Hai,
Aur Us Pagli Ladki Ke Bin Marna Bhi Bhari Lagta Hai.

Jab Kamre Mein Sannate Ki Awaj Sunai Deti Hai,
Jab Darpan Mein Aankhon Ke Neeche Jhai Dikhai Deti Hai,
Jab Badki Bhabhi Kahti Hain, Kuchh Sehat Ka Bhi Dhyan Karo,
Kya Likhte Ho Dinbhar, Kuchh Sapnon Ka Bhi Samman Karo,
Jab Baba Waali Baithak Mein Kuchh Rishte Waale Aate Hain,
Jab Baba Humein Bulate Hain, Hum Jaate Hain, Ghabrate Hain,
Jab Saari Pahne Ek Ladki Ka Ek Photo Laya Jaata Hai,
Jab Bhabhi Humein Manati Hain, Photo Dikhlaya Jaata Hai,
Jab Saare Ghar Ka Samjhana Humko Fankari Lagta Hai,
Tab Ek Pagli Ladki Ke Bin Jeena Gaddari Lagta Hai,
Aur Us Pagli Ladki Ke Bin Marna Bhi Bhari Lagta Hai.

Didi Kahti Hain Us Pagli Ladki Ki Kuchh Aukat Nahin,
Uske Dil Mein Bhaiya Tere Jaise Pyare Jasbat Nahin,
Woh Pagli Ladki Nau Din Mere Liye Bhooki Rahti Hai,
Chup-Chup Saare Vrat Karti Hai, Par Mujhse Kabhi Na Kahti Hai,
Jo Pagli Ladki Kahti Hai, Main Pyar Tumhi Se Karti Hoon,
Lekin Mein Hoon Majboor Bahut, Amma-Baba Se Darti Hoon,
Us Pagli Ladki Par Apna Kuchh Adhikar Nahin Baba,
Yeh Katha-Kahani Kisse Hain, Kuchh Bhi To Saar Nahin Baba,
Bas Us Pagli Ladki Ke Sang Jeena Fulwari Lagta Hai,
Aur Us Pagli Ladki Ke Bin Marna Bhi Bhari Lagta Hai

By Dr. Kumar Vishwas

More Shayari by Dr. Kumar Vishvaas
13 Aug 2010 47 Comments 88

Get Shayari In Email Daily

 Amazing & Funny Photos

Pahli Raat Hai Par Ismein Darne Ki Kya Baat Hai Funny Hair Style – Mustache On the Back of Head Free Seva Khas Ladko Ke Liye Ursussss Bear Ads The Human Lock Optical Illusion Cool But Scary Hairstyle One Of The Best Top VIew Shot One Of The Best Motion Shot Ever Creative Thai Anti-Sleepy Driving Ad Banana Phone

47 Comments

  1. Satish Shukla 'Raqeeb' says:

    Dr Kumar Vishwas,

    Dear Sir,

    Mubaraq Ho? Kavita ke madhyam se bahut achchhee
    tasveer utaree hai aapne.

    Aap Beeti hai to afsos aur sahaunubhuti hai
    anubhav hai to salam kubul ho! Aapkee khwahish
    poori ho dua hai us oopar waale se.

    Kavya kee kuchh bandishen hain un ka bhee
    khayal rakh saken to aur achchha rahega.

    Regards,

    Satish Shukla Raqeeb

  2. Nutan says:

    I am your big fan….

    Ye baat samajh main aai nai, aur mummy ne samjhai nai,
    Main kisi meethe baat karu, jab meethe cheez koi khai nai,
    Ye chand kaise maamu hai, jab mummy ka wo bhai nai,
    Kyun lambe baal hain bhalu ke, kyun triming usne karai nai,
    Kya wo bhi ganda bacha hai, ya jungle main koi naai nai,
    Nani ke pati jab nana hai Dadi ke pati jab dada hain, Didi ke pati kyun dida nai,
    Samandar ka rang kyun neela hai, jab neel kisi ne milai nai,
    Jab school main neend itni aati hai, to kyun bed waha rakhwai nai,
    Ye baat samajh main aai nai, aur mummy ne samjhai nai..

    1. vineet goel says:

      ya nutan,

      Thik hi kaha tumne.

      Vaise viswas ko manna padega,
      He is great and one of my favorite.

      I came to know about him at anna hazare manch.

      Jai hind

      Jai bharat

  3. Rahul Jain says:

    Kumar Bhai,

    Inn Pyare Alfazaon Main Sirf Tum Hi Dikhai Dete Ho
    Iss Sari Duniya Main Sirf Tum Hi Diwane Lagte Ho

    Iss Pyari Chori Se, Hum Bhee Logon Ko Dhadkate Hai
    Par Vishwash Karo Ee Kumar, Hum Naam Tumhara Gate Hai…

    Dr. Vishwash , I like your all poems….you really a teacher of subject which have no practical class in schools or colleges. – LOVE.

    with regards,

    Rahul Jain
    Jaipur
    rahuljainpur@gmail.com

  4. sachin says:

    Dear Viswas,
    kaha se laue wo alfaz jinse aapki tarif ho sake.Eshaer apki lekhni ko yu hi sakti deta rahe aur apke lafj hameshga hamere dil ko chute rahe

    Goid Bless You.

  5. Nitish soni says:

    sir u r my ideal
    ” tu vada kar jra mujhse kabhi na dur jayegi
    Jo wada tod dia tune to jindgi ruth jayegi
    Ye mana hai thoda mushkil magar mushkil nhi hai ye
    Ager ranjha pukarega to fir heer ayegi”
    Self

  6. Prashant Sharma says:

    Roz Ek Naam Yaad aata hai,
    kabhi Subah kabhi Saam Yaad aata hai
    Sochta Hoon Ke Doosri Mohabbat Kar loon…
    Phir Pahli Mohabbat Ka anjaam yaad aata hai….

  7. tarun says:

    deyar sir i am tarunnehra from modinagar sir mai app ka aur app ki kavitao ka bhut bada fan hu aur sir app se ek bar milna bhi chhata hu agar kabhi time mile app ko is bhgat k liye to bada ahsan hoga

  8. Narendra says:

    Sirji,

    Mein aapka naya navela fan hoon, or aapki pagli Ladki ne to muje pagal kar diya hai. Or koi dewana kehta hai ne muje bhi divana banaya, kya aap muje itna batane ka kast kar ge??? Ki please muje yeh batiye ki aap ki Saari ka kavita ka collection kaha se milega..

    great sir.. Keep it up..

    Aapka nacheez fan..

    Narendra…

  9. Nagesh kumar verma says:

    I like your all poems.Apki kavita mere hi nahi sab ke dil ko chhu kar dil me hi bas jati hai.Mujhe kyo n jane aisa lagta hai aap is dour se gujar chuke ho aur apne dil ki bat kavita ke madhyam se vyakt karte ho.My all friend & I always like you and your poems.THANK YOU

  10. Nagesh kumar verma says:

    MY DEAR SIR, My best friend PRAKASH,DURGESH,NAVEEN,RINKU,UTTAM,DEEPAK.SUSHANT,BHUPENDRA we are liked your all poems.Apke dwara likhit AK PAGALI LADAKI aur KOI DIWANA KEHTA HAI ye kavita hume aur humare class teacher SMT.GEETA MADAM ko bahut pasand hai.Hum apko sunane ke liye der rat tak jagte hai.THANK YOU FOR YOU

  11. zanith says:

    i like all ur compositions. Me bhi likhta hu bas shouq k liye. Dosto dosto me tareef bhi ho jaati hai. Aap jo punch create karne ho na in between.. Meri on stage ancoring me bahut ad milta hai.

  12. Lovekesh says:

    kumar vishwas ji maine (ek pagli ladki ke bin)aaj 29th time pada aur aaj bhi mujhe wahi ehsaas mahsus huwa jaisa pahle baar huwa tha aaj ek baar fhir ankhon me aasu chalak uthe kya likh diya hai apne VISHWAS ji saayed aap khud bhi aise kaveta aise dil ko chune walle kaveta nahi likh payege HAATHO KO CHUME KO DIL CAHTA HAI JITNE BAR KAVETA KO PADHTA HU ………….

Leave a Comment

Your email address will not be published. Required fields are marked *

Funny Veg Jokes

Baap Ki Asli Khidmat Karna
Pappu Sadak Par Jati Ek Aurat Ko Goor Raha Thha. Aurat: "Dekhta Kya Hai? Teri Maa Ki Umar Ki Hun" Pappu: "To Main

Duniya Ki Sabse Achhi Biwi
Duniya Ka Sabse Acha Beta Har Maa Ke Paas Hota Hai, Lekin Duniya Ki Sabse Achhi Biwi Har Padosi Ke Paas Hoti Hai.

Duniya Shareef Logo Ko Bhi Jeene Nahi Deti
Ek Ladki Restaurant Mein Bahut Der Se Bethi Thi. Kuch Der Baad Usne Waiter Ko Bulaya Aur Pucha. Ladki: "Ye Jo Samn

Modern Teacher Rocks!
Ek Bachche Ke School Test Mein Marks Kam Aaye To Teacher Bachche Ko Modern Tareeke Se Darati Hai. Teacher: "Kal Chup

Aakhir Doctor Ne Bimari Dhoond Hi Li
Ek Old Lady Apni Gas Ki Problem Se Tang Aakar Doctor Ke Paas Jaati Hai. Old Lady: "Doctor Saab, Mujhe Gas Ki Bahut Pr

Join Us on Facebook