Sochne Do Ke Rizm Gaah Hai Khamosh Hanoz

Sochne Do Ke Rizm-Gaah Hai Khamosh Hanoz
Sang-O-Barood Ki Baarish Bhi Thami Hai Kuchh Der

Saif-O-Khanjar Hain Nihaan, Tabl-O-Alam Bhi Hain Nagoon
Sochne Do Ke Utarne Laga Sehra Ka Ghubaar

Go Ke Sehra Men Dhamaakon Ka Gumaan Ab Bhi Hai
Baad-E-Sehra Men Taa’ffun Hai Abhi Laashon Ka

Khaak-E-Sehra Hai Abhi Khoon Se Tar
Goonjti Dasht Men Ek Aah-O-Fughaan Ab Bhi Hai

Sochne Do Ke Dhamaakon Men Dabi Koi Sadaa
Koi Ta’zeer Koi Baat Kisi Ne Na Suni

Koi Darkhwaast, Guzaarish, Na Daleel
Na Koi Naala O Dushnaam, Na Faryaad Suni

Kitne Mazloom Yahaan Khaak Huwey
Aur Kisi Ne Na Suni

Un Ki Sisak, Aah-O-Bukaa

Sochne Do Ke Khas-O-Khaak Ke Is Sehra Men
Hasrat-O-Yaas Ke Anbaar Lage

Kitni Jaanen Gayeen Be Sood-O-Ma’al
Kitni Masoom Ummeedon Ke Jaanze Utthe

Kitne Mazloom The Jo Daaman-E-Sehra Men Kahin
Baad Ek Ghusl-E-Saba

Be Kaf-O-Taaboot-O-Kafan
Kitni Be Naam-O-Nishaan

Qabron Men Dafnaaye Gaye
Kitni Masoom Woh Jaanen Hain

Jinhen Kuchh Na Pata
Apne Piyaaron Ka, Dileron Ka Laga

Kitni Aankhon Ki Sham’en Maand Huyeen
Kitne Ghar Ujre Yahaan

Kitni Baahen Jo Hamesha Ke Liye Raand Huyeen
Sochne Do Ke Milega Kabhi Us Khoon Ka Suraagh

Khaak-E-Sehra Men Jo Paiwast Hua
Khoonbaha Maangen To Kis Se Maangen

Wohi Qaatil, Wohi Munsif, Wohi Jallad Hua
Sochne Do Ke Yehi Khaak-Nasheenon Ka Lahoo

Rizq-E-Sehra To Hua, Rang Bhi Laayega Kabhi?
Sochne Do Ke Jawaanon Ka Dileron Ka Lahoo

Noor-Gar Hoga Isi Teera-O-Taareek
Siyaah Raat Ke Daaman Men Kahin ?

Zulmat-E-Shab Men Ghire Qaaflon Ko
Barq-E-Sehra Ki Tarah Raah Dikhaayega Kabhi ?

Sochne Do Ke Koi Apna Bhi Damsaaz-O-Rafeeq
“Naye Dastoor-E-Jahaan” Men Kabhi Shaamil Hoga ?

Ya Wohi Log Jo Qaatil The Kabhi
Apne Moon Aap Maseeha Honge !

Is Se Pehle Ke Utthe Phir Se Koi Band Ghubaar
Phir Umand Aayen Wohi Jang-O-Jadal Ke Baadal

Aur Wohi Barq Farozaan Ho Ufaq Par Phir Se
Sochne Do,

Ke Kisi Qadre Chhata Hai Yeh Ghubar
Khaak-E-Sehra Ne Chhupa Di Hain Lakeeren Phir Se

Chand Lamhe Hi Sahi
Matla-E-Sehra Hai Khamosh

Go Andheron Ki Faseelon Se Pare
Kaf-E-Dushman Men Khinche

Sainkro Khanjar Honge
Isi Mauqe Ko Ghaneemat Jaano

Chand Lamhon Ko
Zara Sochne Do

More Shayari in Dard Bhari Shayari
19 Sep 2017 No Comment 9

Get Shayari In Email Daily

 Amazing & Funny Photos

I Would Not Leave You Behind For Anything Dear Eye Why You No Handle These Simple Illusions Best Painting Ever! Awesome Foot Art Of Stone Red Betta Fighter Fish Ursussss Bear Ads Amazing Coffee Painting On Wall Save Trees – Picture Worth Million Believe It Or Not But Its An Oil Painting Awesome Wax Art By Ferdi Rizkiyanto

Leave a Comment

Your email address will not be published. Required fields are marked *

Funny Veg Jokes

Kya Kaha Doctor Ne?
Pati Bahut Jyada Beemar Ho Gaya Tha, Aur Thik Nahi Ho Paa Raha Tha. Patni Usko Shahar Ke Ek Bahut Bade Doctor Ke Pass

Kuchh To Hamari Ijjat Ka Khayal Kar
Gharwale Ladki Ki Marzi Ke Bina Ladki Ki Shaadi Kar Rahe The. Ladki Apni Maa Se: "Mammi, Main Ye Shaadi Nahi Karungi

Chand Par Pahla Kadam Kisne Rakha Thha?
Ek Baar Teacher Class Mein Student Se Poochti Hai. Teacher: "Bacho Batao, Kissne Chand Par Pehla Kadam Rakha Tha?"

Ya Allah Kiska Accident Hua Hai?
Sadak Ke Bich Mein Accident Hua Pada Thha Aur Bahut Bidh Ikathi Thi Khan Ji Ko Dekhne Ka Moka Nahi Mil Raha Tha To

Santa Ko To Kuchh Or Hi Chahiye Tha
Santa Ek Party Mein Gaya. Wahan Santa Ne Ek Khoobsurat Ladki Kursi Par Baitha Dekha. Santa Uss Ladki Ke Paas Gaya

Join Us on Facebook