Shaayar-E-Fitarat Huun Main
Jab Fikr Farmaataa Huun Main
Ruuh Ban Kar Zarre-Zarre Mein
Samaa Jaataa Huun Main

[Shaayar-E-Fitarat=poet Of Nature;
Fikr Farmaanaa=express A Thought]

Aa Ki Tujh Bin Is Tarah
Ai Dost Ghabaraataa Huun Main
Jaise Har Shay Men Kisii Shay
Kii Kamii Paataa Huun Main

Jis Qadar Afasaanaa-E-Hastii
Ko Doharaataa Huun Main
Aur Bhii Begaanaa-E-Hastii
Huaa Jaataa Huun Main

[Afasaanaa-E-Hastii=tale Of Life;
Begaanaa-E-Hastii=unrelated To Life]

Jab Makaan-O-Laamakaan Sab
Se Guzar Jaataa Huun Main
Allah-Allaah Tujh Ko Khud
Apanii Jagah Paataa Huun Main

[Makaan-O-Laamakaan=

Haaye Rii Majabuuriyaan
Tark-E-Mohabbat Ke Liye
Mujh Ko Samajhaate Hain Vo
Aur Un Ko Samajhaataa Huun Main

[Tark-E-Mohabbat=to Give Up Love]

Merii Himmat Dekhanaa
Merii Tabiiyat Dekhanaa
Jo Sulajh Jaatii Hai Gutthii
Phir Se Ulajhaataa Huun Main

[Gutthii=knot (Problem)]

Husn Ko Kyaa Dushmanii Hai
Ishq Ko Kyaa Bair Hai
Apane Hii Qadamon Kii Khud
Hii Thokaren Khaataa Huun Main

Terii Mahafil Tere Jalve
Phir Taqaazaa Kyaa Zaruur
Le Uthaa Jaataa Huun Zaalim
Le Chalaa Jaataa Huun Main

Vaah Re Shauq-E-Shahaadat
Kuu-E-Qaatil Kii Taraf
Gun-Gunaataa Raqs Karataa
Jhumataa Jaataa Huun Main

[Shauq-E-Shahaadat=love/
desire For Martyrdom]
[Kuu-E-Qaatil=killer’s
(Lover’s) Lane; Raqs=dance]

Dekhanaa Us Ishq Kii Ye
Turfaakaarii Dekhanaa
Vo Jafaa Karate Hain Mujh
Par Aur Sharmaataa Huun Main

[Turfaakaarii=

Ek Dil Hai Aur Tuufaan-E-
Havaadis Ai “Jigar”
Ek Shiishaa Hai Ki Har Patthar
Se Takaraataa Huun Main

[Tuufaan-E-Havaadis=storm Of Misfortunes]

• Dil Ko Jab Dil Se Raah Hotii Hai
• Muddat Mein Vo Phir Taazaa Mulaaqaat Kaa Aalam
• Haan Kis Ko Hai Mayassar Ye Kaam Kar Guzaranaa
• Os Pade Bahaar Par Aag Lage Kanaar Mein
• Ik Lafz-E-Mohabbat Kaa Adanaa Saa Fasaanaa Hai