Prem Rang Ki Baat Niraali,
Dooja Rang Chadhe Naa Koi,
Laakh Jatan Kar Chhute Naa Ye,
Jatan-Jatan Kar Gehara Hoi,
Naina Dekhe Raah Nirantar,
Raahe Tak-Tak Raat Naa Soi,
Nainan Neer Jhare Sab Dekhe,
Premavash Khud Ko Hi Khoi,
Jab Aayenge Baat Naa Karni,
Man Hi Man Samjhaaye Gori,
Dekh Priy Ko Apne Sammukh,
Bhooli Sari Raatein Roi,
Prem Rang Ka Jaadoo Hai Ye,
Mane Sab, Naa Roothe Koi,
Shyam Rang Mein Rangi Jo Raadhe,
Prem Rang Mein Soodh-Boodh Khoi.
By Medha Jain
More Shayari by Medha Jain