Tanz-O-Mazah Ki Duniya Mein Popular Meeruthi
Kisi Taa’arruf Ke Mohtaaj Nahi….

Is Martaba Bhi Aaye Hain Number Tere To Kam
Ruswaiyon Ka Meri Daftar Banega Too
Bete Ke Sar Pe Deke Chapat Baap Ne Kaha
Phir Fail Ho Gaya Hai Minister Banega Too

Mai.N Huu.N Jis Haal Me.N Ai Mere Sanam Rahane De
Teg Mat De Mere Haatho.N Me.N Qalam Rahane De
Mai.N To Shaayar Huu.N Meraa Dil Hai Bahot Hii Naazuk
Mai.N Pataake Hii Se Mar Jaa_uu.Ngaa, Bam Rahane De

Kisi Jalse Mai Ik Leader Ne Yeh Ailan Farmaya
Hamare Mantri Aane Ko Hain Bedar Ho Jaao
Yekayek Film Ka Naghma Kaheen Se Goonj Utha Tha
‘Watan Ki Aabroo Khatre Mai Hai Husjiyar Hojao’

  ----------------

Hit The Like Button If You Want To Support Us.