Muddat HuI Hai Yaar Ko

Posted on 17 Jun 2008 | | Dard Bhari Shayari, Ghazals & Lyrics

Muddat Huee Hai Yaar Ko Mehmaan Kiye Hue
Josh-E-Qadah Se Bazm Chiraaghaan Kiye Hue

Karta Hoon Jama’a Fir Jigar-E-Lakht-Lakht Ko
Arsa Hua Hai Daawat-E-Mizhgaan Kiye Hue

Fir Waza-E-Ehtiyaat Se Rukane Laga Hai Dam
Barson Hue Hain Chaak Girebaan Kiye Hue

Fir Garm Naala Haay Sharar,Baar Hai Nafas
Muddat Huee Hai Saire Chiraaghaan Kiye Hue

Fir Pursishe Jaraahate Dil Ko Chala Hai Ishq
Saamaan E Sad Hazaar Namakdaan Kiye Hue

Fir Bhar Raha Hai Khaama E Mizhgaan Ba Khoon-E-Dil
Saaz-E-Chamantaraazee-E-Daamaan Kiye Hue

Baa Ham Digar Hue Hain Dil-O-Deeda Fir Raqeeb
Nazzaara-O-Khayaal Ka Saamaan Kiye Hue

Dil Fir Tawaaf-E-Koo-E-Malaamat Ko Jaai Hai
Pindaar Ka Saman Kada Weeraan Kiye Hue

Fir Shauq Kar Raha Hai Khareedaar Kee Talab
Arz-E-Mata A-E- Aql-O-Dil-O-Jaan Kiye Hue

Daude Hai Fir Harek Gul-O-Laala Par Khayaal
Sad Gul Sitaan Nigaah Ka Saamaan Kiye Hue

Fir Chaahta Hoon Naama-E-Dildaar Kholna
Jaan Nazr-E-Dil Farebee-E-Unwaan Kiye Hue

Maange Hai Fir Kisee Ko Lab-E-Baam Par Hawas
Zulf-E-Siyaah Rukh Pe Pareshaan Kiye Hue

Chaahe Fir Kisee Ko Muqaabil Mein Aarzoo
Soorme Se Tez Dashna-E-Mizhgaan Kiye Hue

Ik Nau Bahaar-E-Naaz Ko Taaqe Hai Fir Nigaah
Chehra Furogh-E-Mai Se Gulistaan Kiye Hue

Fir Jee Mein Hai Ki Dar Pe Kisee Ke Pade Rahain
Sar Zar-E-Baar-E-Minnat-E-Darbaan Kiye Hue

Jee Dhoondta Hai Fir Wohee Fursat Ke Raat Din
Baithe Rahain Tasavvur-E-Jaanaan Kiye Hue

‘Ghalib’ Hamein Na Ched Ki Fir Josh-E-Ashq Se
Baithe Hain Ham Tahayya-E-Toofaan Kiay Hue




Mast Photos For You

Totally Delicious Nikon Camera Cake Not Today – Once In A Lifetime Shot Kyu Be Tujhe Sunta Nahi Kya Creative Sculpture Made From Ice And Snow Oh God, I Cant Do That Beautiful Little Girl In Red Dress Aisi Azadi Aur Kaha Your Moms Gynecologist Is Missing Watermelon Art Look Like A Real Man World’s Smallest Aquarium

Shyari SMS Version

There Is No SMS Version For This Shayri.
Receive Daily Shayari By eMail
Or Send JOIN ShersDotIn To 987O8O7O7O To Receive Shayari In SMS.

One Response to "Muddat HuI Hai Yaar Ko"
  1. Dany says:

    Hi

    Dude its not “fir” , its “phir”

Leave a Reply