Kuch Sawalo Kuch Jawabo Se Ghira Mera Man
Thodi Aandhi Thodi Shaanti Mei Fasa Mera Man
Thodi Hasi Thode Dukh Kei Saath Chalata Hua Pal
Ek Nayi Aas To Kahi Avishwaas Mei Jalta Mera Man
Aadhi Raat Aur Aati Hui Subah Ke Bich Kaa Ye Pal
Chanchal Jajbaat Meethe Khwaab Mei Daba Mera Man
Thoda Pyaar Aur Bhari Nafrat Kii Toli Hai Yeha
Dukhi Chehera Muskaan Ke Khoj Me Ghira Mera Man
Ek Khushi Ek Tadap Dono Bas Rahe Hai Yeha Abhi
Chahat Aur Nafrat Ke Shikanje Me Fas Gaya Mera Man
Kya Kahoon Na Kahoon Kuchh Samajh Aata Nahi
“Garima” Ke Din Bhi Chalakte Dard Se Bhar Gaya Mera Man
Roun Ji Bhar Kei Ya Hasoon Pagali Ban Kar Ke
Ajeeb Uljhan Ya Ajeeb Kashmakash Mei Fasa Mera Man