Kaise Kahen Aaj Bhi Dil Ko Hai Intezar Uska,
Jisne Apna Bana Kar Begana Kar Diya.
Meri Muhabbat Ko Ye Mukaam Diya Hai Usne,
Har Shakhs Ke Labon Ka Fasana Kar Diya.
Kabhi Hum Bhi Kaha Karte The Aashiqon Ko Pagal,
Aaj Unki Duaon Ne Hame Bhi Deewana Kar Diya.
Kya Tareef Karun Un Tilismi Nazron Ki,
Ek Nazar Dekh Ke Husn Ka Parwana Kar Diya.
Raahon Me Jo Kabhi Hui Bhi Mulaqaat,
Ammi Ne Bulaya Hai Ye Bahana Kar Diya.