Jo Ansoo Dil Pay Girtay Hain Wo Annkhoon Mein Nahi Rehtay
Bohat Se Hurff Aise Hain Jo Laffzoon Mein Nahi Rehtay
Kitaboon Mein Likhay Jatein Hain Duniya Bhar Ke Afsanay
Magar Jin Mein Haqeeqat Ho Kitaboon Mein Nahi Rehtay
Bahaar Aaiy Tuu Har Phool Par Ek Saath Aatein Hain
Hawa Jin Ka Muqaddar Ho Wo Shakhoon Pe Nahi Rehtay
Liay Phertay Hain Kuch Aahbaab Aise Muzztarib Sajday
Kisi Soorat Bhi Wo Gooya Jabiinoo Mein Nahi Rehtay
Mehak Aur Titliyoon Ka Naam Bhanwaray Se Jora Kyon Hai
Ke Ye Bhi Tuu Khizaa Aate Hi Pholoon Mein Nahi Rehtay