Jahan Par Dar Banana Ho Wahan Deewaar Kartay Hain
Hum Ehlay Dil Mohabat Ko Bohat Dushwaar Kartay Hain
Tumhain Ab Kia Bataain Us Pari Ka Lams Kaisa Tha
Hamaaray Hont Jaltay Hain Agar Izhaar Kartay Hain
Musalsal Khaamshi Yoon Bhi To Hum Ko Maar Daalay Gi
To Phir Ab Khof Kaisa Hay Chalo Inkaar Kartay Hain
Hum Aisay Lashkari Is Jang Main Hathiaar Kion Daalain
Keh Aisa Kaam To Apnay Sipah Saalaarkartay Hain
Razi Ehlay Mohabat Ka Yehi Anjaam Hota Hay
Unhain Diwar Main Chuntay Hain Ya Sangsaar Kartay Hain