Hoti Hai Tere Naam Se Vahashaat Kabhi Kabhi
Bar Hum Huii Hai Yun Bhi Tabiyaat Kabhi Kabhi
Dil Ko Kahan Naseeb Ye Taufiiq-E-Iztiraab
Milati Hai Zindagi Mein Ye Raahat Kabhi Kabhi
Josh-E-Junoon Mein Dard Ki Tugayaaniyon Ke Saath
Ashkon Mein Dhal Gayii Teri Surat Kabhi Kabhi
Tere Qareeb Rah Ke Bhi Dil Mutameen Na Thaa
Guzarii Hai Mujh Pe Bhi Ye Qayaamat Kabhi Kabhi
Kuch Apanaa Hosh Thaa Na Tumhaara Khayal Tha
Yun Bhi Guzar Gaii Shab-E-Furqat Kabhi Kabhi
Ai Dost Hum Ne Tark-E-Mohabbat Ke Bawajuud
Mahsoos Ki Hai Teri Zaroorat Kabhi Kabhi..