Hai Jagah Puri Dil Mein Tumhaarey Liye
Tum Banaaou Zaraa-Sii Hamaarey Liye
Muskuraaye Ho Jab Bhi Milee Hai Nazar
Maan Lo, Dil Mein Hai Kuchh Hamaarey Liye
Arsh Mein Abra Hongey Hameyshaa Naheen
Raat Aayegee Fir Chaand Taarey Liye
Deykh Lo, Ab Hawaa Aa Rahee Hai Idhar
Jism Chhoo Kar Tumhaaraa, Hamaarey Liye
Kyaa Huaa Hai? Kahaan Hai Tumhaaree Nazar?
Hoon Yahaan, Aasmaan Key Sitaarey Liye
Baag Hai Yah Wahee, Aashiyaanah Wahee
Fir Bahaar Aa Gayii Hai Nazaarey Liye
Pankh Suljhaa Rahaa Hai Chirhee Key Chirhaa
Kis Suhaaney Lamhey Key Ishaarey Liye?
Aa Gayaa Hoon, Chalo, Fir Safar Par Chaleyn
Ishq Hai Saath, Saarey Idaarey Liye
Shaam Dhhaltey Hi, Ab Shab Nayee Aayegee
Zindagee Mein Naye Khwaab Pyaarey Liye
Sach Yahee Hai, ‘Abd’, Chaahtaa Hoon Tumhain
Ham Tumhaarey Liye, Tum Hamaarey Liye