Geet Tere Jab Se Hum Gaane Lage,
Bheed Mein Sabko Nazar Aane Lage,
Soch Ko Apni Badal Kar Dhekh Tu,
Mann Tera Ger Yaar Murjhane Lage,
Bin Tumhaare Khairiyat Ki Baat Bhi,
Poochhte Jab Log To Taane Lage,
Woh Mehrabaan Hai Tabhi Karna Yakeen,
Jab Bina Mange Hi Sab Pane Lage,
Pyaar Apno Ne Kiya Kuchh Is Tarah,
Ab Mere Dushman Mujhe Bhaane Lage,
Sach Bayaani Ki Guzaarish Jab Hui,
Chiikhte Sab Log Haklaane Lage,
Khar Tere Paanv Mein ‘Neeraj’ Chubhe,
Neera Mere Nain Barsaane Lage.
By Neeraj Goswamy
More Shayari by Neeraj Goswamy