Shers.In

Nazron Ki Nazron Se Jab Mulakaat Ho Gayi

Shivani Kapoor — Wed, 19 Jun 2013 04:15:59 +0000

Nazron Ki Nazron Se Jab Mulakaat Ho Gayi,

Dono Khamosh The Rooh Ki Rooh Se Baat Ho Gayi,

Na Mene Kuch Kaha Na Usne Kuch Kaha,

Yun Hi Hath Pake Saath Chalte Rahe Ki Raat Ho Gayi.

By Sanjay Sehgal

Saawan Ki Lagi Aag Ko Tere Husn Ka Shabab Batata Hoon

Shivani Kapoor — Tue, 18 Jun 2013 09:15:47 +0000

Saawan Ki Lagi Aag Ko Tere Husn Ka Shabab Batata Hoon,
Tere Labon Se Lagti Muskan Ko Aaina-E-Mehtab Batata Hoon,

Kuchh Chhipa Hai Raaz Teri Ankhon Mein,
Parchhaiyon Mein Likhta Jata Hoon,

Betabi Ke Halat Ko Dil Hi Dil Mein Chhipata Hoon,
Zindagi Ke Itminaan Ko Gilshano Se Kuch Yun Sajata Hoon,

Rang Laye Meri Mohabbat Bhi,
Tere Hathon Mein Mere Naam Ki Mehndi Lagata Hoon,

Kuch Chhipa Hai Raaz Teri Baaton Mein,
Parchhaiyon Mein Likhta Jata Hoon,

Ye Dil Tere Daman Mein, Mere Ankahe Haalat Batata Hai,
Pagla Sa Hai Ye Bekhabar Aansu Ke Diye Jalata Hai,

Tu Lautegi Iski Basti Mein Preshaniyon Mein Samajhata Hai,
Bas Tere Aane Ke Khawab Ko Ankhon Mein Kuch Yun Basata Hoon,

Teri Maang Mein Mera Sindoor Ho Khuda Ko Bhi Roz Manata Hoon,
Kuch Chhipa Hai Raaz Teri Aankhon Mein Parchhaiyon Mein Likhta Jata Hoon.

By Rohit

Kaanch Ka Tohfa Na Dena Kisiko

Shivani Kapoor — Tue, 18 Jun 2013 04:15:35 +0000

Kaanch Ka Tohfa Na Dena Kisiko,

Kyun Ki Aksar Log Rooth Kar Tod Diya Karte Hai,

Achhe Insaano Se Kabhi Dil Na Lagana,

Kyun Ki Jo Jyada Ache Hote Hai Wohi Dil Tod Diya Karte Hai.

Aati Jaati Lehron Mein Jeevan Ko Dhoondhti Hoon

Shivani Kapoor — Mon, 17 Jun 2013 09:15:32 +0000

Dekhti Hoon Jo Lehron Ko To Aksar Ye Sochti Hoon,
Aati Jaati Lehron Mein Jeevan Ko Dhoondhti Hoon,

Chandni Mein Leharein Yun Damak Jati Hai,
Jaise Mohabbat Jawani Pe Parwaan Chadati Hai,

Koi Yaad Lehar Chod Jaati Hai Aansoon Ki,
Tasveer Tair Jaati Hai Beete Hue Lamhon Ki,

Kabhi Khile The Lab Muskuraye Mere Bhi The,
Aankhon Mein Humne Bhi Rang Mahal Banaye The,

Jaise Lahrein Laut Jaati Hai Sahil Se Apne Lipat Ke,
Hamne Bhi Chahat Ka Silsila Nibhaya Hai Unke Liye Dua Karke,

Jaane Aur Kahan Tak Ab Ye Hamari Deewangi Humko Le Jayegi,
Sochti Hoon Yeh Kabhi Kisi Raat Sakoon Ki Neend Hamko Bhi Aayegi.

By Muskaan

Ek Din Wo Tanha Akela Chod Gaye

Shivani Kapoor — Mon, 17 Jun 2013 04:15:13 +0000

Unhe Muskurana Jo Pasand Tha Humari Bewkoofiyon Pe,

To Hum Bhi Jaan-Boojh Kar Bekoofiyaan Karte Gaye,

Fir Ek Din Wo Tanha Akela Chod Gayi Humein Keh Ke,

Ki “Taish” Tum Bewkoofiyaan Bahut Kiya Karte Ho.

By Taish

Wo Dour Kuchh Aur Tha…

Shivani Kapoor — Sun, 16 Jun 2013 09:15:49 +0000

Wo Dour Kuchh Aur Tha Jab Ham Teri Mohabbat Mein Likhte The,
Ishq-E-Junoon Sar Pe Tha Shayrana Andaaz Hum Bhi Rakhte The,

Wo Dour Kuchh Aur Tha…

Aaj Muddat Ke Baad Teri Phir Yaad Aayi, Likhne Ka Man Hua Maine Phir Kalam Uthaai,
Par Na Jane Kyon Kalam Ki Syahi Mein Ashq Nazar Aaye, Guzre Zamaane Ke Wo Aks Nazar Aaye,

Wo Dour Kuchh Aur Tha…

Na Chahkar Bhi Likhte Hue Ro Raha Tha, Apni Nazm Ke Alfaaz Kho Raha Tha,
Wo Duniya Ki Wahshat Tujhe Khone Ki Dahshat, Meri Aashiqui Pe Haavi Thi Teri Shohrat,

Wo Dour Kuchh Aur Tha..

Likhte Hue Phir Meri Ungliyaan Kanp Kanpaayi, Kone Mein Rakhi Teri Tasveer Nazar Aayi,
Yeh Dil Bhi Toota Wo Khawaab Bhi Toota, Duniya To Door Mera Khuda Bhi Mujhse Rootha,

Wo Dour Kuchh Aur Tha…

Likhte Hue Bhul Gaye Ki Shaam Dhal Aayi Hai, Humse Milne Ab Shab-E-Tanhaayi Aayi Hai,
Meri Chahtein Meri Khawaishein Sab Palkon Se Bah Gaye “Armaan” Jo Mere Dil Mein The Dil Mein Hi Rah Gaye.

Wo Dour Kuchh Aur Tha…

By Arjun Armaan

Kya Bayan Karu Mere Paas Alfaaz Nahi Hai

Shivani Kapoor — Sun, 16 Jun 2013 04:15:07 +0000

Kya Bayan Karu Mere Paas Alfaaz Nahi Hai,

Tujhe Mere Dard Ka Ehshaas Nahi Hai,

Kambhakhat Puchti Hai Kya Dard Hai Tumhe,

Mujhe Ye Dard Hai Ki, Tu Mere Paas Nahi Hai.

Aye Zindagi Tu Udaas Kyu Hai?

Shivani Kapoor — Sat, 15 Jun 2013 09:15:24 +0000

Aye Zindagi Tu Udaas Kyu Hai?
Ye Roothe Hue Ahsaas Tere Paas Kyu Hai?

Aksar Aisa Hi Kyu Hota Hai?
Aakhir Sapno Mein Hi Koi Apna Kyu Hota Hai?

Kyu Aakhir, Manzile Talashti Aankhein Band Ho Jati Hai?
Chalti Hui Saansein Aakhir Kyu Tham Si Jaati Hai?

Ye Badalte Hue Zamane Kyu Begane Se Lagte Hai?
Kyu Toote Hue Sitarein Afsaane Se Lagte Hai?

Roti Hui Raatein Kyu Tujhe Sone Nahi Deti?
Aakhir Ye Dhoop Ki Garmi Tujhe Kyu Satati Hai?

Kyu Tere Khawaab Khud Mein Uljhe Hai?
Kyu Teri Aankhon Mein Bheegi Dabi Si Nami Hai?

Aakhir Kyu Khulti Hui Aankhein Achanak Band Si Ho Jati Hai?
Zindagi Ke Sahare Kandhe Pe Aakhir Kyu Khade Ho Jate Hai?

Doston, Ye Zindagi Ke Fasane Hai Maut Ke Afsaane Nahi,
Tu Inse Door Rah Ye Khuli Kitabon Pe Panne Bharne Jaisa Nahi,

Ye Zindagi Hai Ismein Ladne Jaisa Hi Sab Hai.

Zindagi Ki Poori Kitaab

Shivani Kapoor — Sat, 15 Jun 2013 04:15:14 +0000

Unko Apne Haal Ka Hisaab Kya Dete,

Sawaal Sare Galat The Hum Jawab Kya Dete,

Wo To Lafazon Ki Hifazat Bhi Na Kar Sake,

Phir Unke Haath Mein Zindagi Ki Poori Kitaab Kya Dete.

By Abdul Rizzu

Meri Ashiqi Ab Tum Hi Ho…

Shivani Kapoor — Fri, 14 Jun 2013 09:15:43 +0000

Tere Bin Ek Pal Rah Nahi Sakte,
Tere Bina Kya Khawab Mera?
Kahne Ye Lage Ab Rahne Hi Lage,
Tere Mein Ispe Kya Zor Mera?

Tu Samjhe Hi Naa Tu Jaane Hi Na,
Tere Bin Ye Mujhse Uljha Hi Rahe,
Karta Hi Rahe Ye Baatein Teri,
Pareshaan Kare Ye Jina Mera,

Kyunki Tum Hi Ho Haan,
Tum Hi Ho Mera Chain Bhi,
Mera Dard Bhi Meri Aashiqi Bas Tum Hi Ho
Meri Uljhane, Meri Saadagi, Meri Aawaragi Sab Tum Hi Ho,

Tere Hi Kareeb Ye Jaake Mujhse,
Dil Mera Hi Mujhse Juda Rahne Lage,
Do Pal Mein Hi Jaan Leke Ye,
Saanso Ko, Bikharta Kar Jayein Mere,

Jaatein Hi Tere Ye Mera Aawara Dil,
Tujhse Hi Mohabbat Ke Sapne Sanjoye,
Tere Sang Hi Jeena Aur Tujhme Hi Ab Marna Chahe,
Kyunki Tum Hi Ho, Haan! Tum Hi Ho,

Meri Zindagi, Meri Rahatein, Meri Tishnagi, Ab Tum Hi Ho,
Mera Khawab Tu, Mera Ehsaas Tu, Meri Ashiqi Ab Tum Hi Ho.

Koi Tarkeeb Batao Manane Ki

Shivani Kapoor — Fri, 14 Jun 2013 04:15:02 +0000

Wo Rootha-Rootha Sa Lagta Hai,

Koi Tarkeeb Batao Manane Ki,

Main Apni Zindagi Girwi Rakh Dunga,

Tum Keemat Batao Muskurane Ki.

By Bizay Timsina

Main To Mohabbat Hoon…

Shivani Kapoor — Thu, 13 Jun 2013 09:15:37 +0000

Main Wo Sahil Par Likhi Hui Ibaadat Nahi Jo In Lehron Se Mit Jaye,
Main Wo Barish Ki Barsti Boonde Nahi Jo Ik Baar Baras Ke Tham Jaye,

Main Ik Sapna Bhi Nahi Jise Dekh Kar Sab Bhula De,
Main Hawa Ka Wo Jhonka Bhi Nahi Aaya Aur Aa Kar Guzar Jaye,

“Anmol“ Chand Nahi Jo Raat Ke Baad Dhal Jaaya.

Main To Wo Ehsas Hoon Jo, Tujh Mein Lahoo Ban Kar Gardish Kare,
Main Wo Rang Hoon Jo, Tere Dil Par Chadhe To Kabhi Na Utre,

Main Wo Geet Hoon Jo, Tere Labon Se Kabhi Juda Na Hoga,
Main To Wo Parwana Hoon Jo, Jalta Rahega Par Uff Tak Nahi Karega,

Khawab, Ibarat, Hawa Ki Tarah Chand Bond Shama Ki Tarah,
Mere Mitne Ka Sawal Nahi, Kyon Ki Main To Mohabbat Hoon.

By Anmol Arora

Zindagi Kitne Haseen Khawaab Dikhati Hai Mujhe

Shivani Kapoor — Thu, 13 Jun 2013 04:15:51 +0000

Raat Bhar Chand Ki Galiyon Mein Firati Hai Mujhe,

Zindagi Kitne Haseen Khawaab Dikhati Hai Mujhe,

Tod Deta Hun Ki Ye Bhi Kahin Dhoka Na Ho,

Zaam Mein Jab Teri Soorat Nazar Aati Hai Mujhe.

By Rajnish Raaj

Chalti Nahi Jajbaat Ki Man Ke Aage

Shivani Kapoor — Wed, 12 Jun 2013 09:15:03 +0000

Chalti Nahi Jajbaat Ki Man Ke Aage,
Feeka Lage Gulista Mahjabin Gulshan Ke Aage,

Pakiza Hai Mere Ham-Dam Mere Is Pyaar Ki Dahliz,
Toot Jata Hai Sabra Sagar-E-Kancham Ke Aage,

Faqat Mere Tasabbur Mein Tera Aana Hua Mushkil,
Har Jata Hai Ab Pyar Bhi Kamjarf Is Dhan Ke Aage,

Sagar To Khayalo Mein Unki Tasveer Chupa Baithe Hain,
Rahon Mein Jise Thame Rahte Hai Rahmai Chilman Ke Aage,

Khud Apni Aankhon Se Hamne Kayi Khawab Tootate Dekhe Hai,
Ashkon Mein Bhi Rah Gayi Kami Dekho Na Shabnam Ke Aage.

By Sandip Sagar

Toote Hue Log Aksar Khamosh Raha Karte Hain

Shivani Kapoor — Wed, 12 Jun 2013 04:15:32 +0000

Mere Khamosh Rahne Se Yun Naraaz Na Hua Karo,

Toote Hue Log Aksar Khamosh Raha Karte Hain.

By Mairaj Saifi

Sab Se Milne Ka Kuch To Silsila Rakhna

Shivani Kapoor — Tue, 11 Jun 2013 09:15:51 +0000

Sab Se Milne Ka Kuch To Silsila Rakhna,
Ho Gaye Tanha To Jeene Ka Hosla Rakhna,

Dost Kabhi Dooriyaa Dekhle Majboori Mein To,
Iska Na Kabhi Mallal Aur Na Geela Rakhna,

Dil To Bas Dil Hain Behakna Hai Fitrat Mein Iske,
Dekho Sambhalna Isko Itna Na Manchala Rakhna,

Ye Dolti Kashtiyaan Kabhi To Pa Legi Kinara Kabhi,
Tej Hawa Ho Par Thoda Saa Bharosaa Rakhna,

Fisal Bhi Gaye To Sambhal Lenghe Tumko Baahon Mein,
Koi Ghair Nahi Hai Hum Aapna Hamsafar Samajhna,

Iraada Kar Liya Jo Kuch Hanseel Karne Ke Liye,
To Saamne Apne Ek Marhallaa Rakhna,

Dost Bhi Shakal Mein Mile Kabhi Jo Dushman Banke,
Unke Liye Bhi Lambi Zindagi Ki Dua Rakhna.

Kabhi Kisi Se Pyaar Mat Karna

Shivani Kapoor — Tue, 11 Jun 2013 04:15:28 +0000

Zindagi Mein Kabhi Kisi Se Pyaar Mat Karna,

Apne Anmol Aansoon Is Tarah Bekaar Mat Karna,

Arrey Kaante To Phir Bhi Daaman Thaam Lete Hai,

Phoolon Pe Is Tarah Aitbaar Mat Karna.

Wo Sham Thahar Jayegi…

Shivani Kapoor — Mon, 10 Jun 2013 09:15:59 +0000

Sham Ke Sannate Mein Teri Yaad Dil Ko Chhoo Ke Guzar Jayegi,
Teri Khushbu Ek Pal Ke Liye Mere Dil Mein Utar Jayegi,

Wo Shaam Thahar Jayegi…

Tere Hanthon Ka Lams Mahsoos Karunga,
Jab Teri Nazuk Ungliyaan Mere Baalon Ko Sahlayegi,

Wo Sham Thahar Jayegi…

Tere Deedar Ke Liye Tadap Rahe Hain Din-Raat Hum,
Jab Tu Mere Samne Aa Ke Ek Lamha Muskurayegi,

Wo Shaam Thahar Jayegi…

Mere Dil-O-Dhadkan Mein Tu Hi Tu Hai,
Tere Zulfon Ki Ghata Jab Mere Aks Pe Chayegi,

Wo Sham Thahar Jayegi… Wo Sham Thahar Jayegi…

By Rajnish Raaj

Hamane To Ab Muskrana Seekh Liya

Shivani Kapoor — Mon, 10 Jun 2013 04:15:36 +0000

Dil Mein Tamannaon Ko Dabana Seekh Liya,

Gam Ko Ankhon Mein Chhipana Seekh Liya,

Mere Chahre Se Kahin Koi Baat Zaahir Na Ho,

Daba Ke Hothon Ko Hamane Muskrana Seekh Liya.

Jab Yaad Tumhari Aati Hai…

Shivani Kapoor — Sun, 09 Jun 2013 09:15:07 +0000

Din Raat Sulgne Lagte Hain,
Jab Yaad Tumhari Aati Hai,

Hum Toot Ke Bikharne Lagte Hain,
Jab Yaad Tumhari Aati Hai,

Kuch Apni Tum Ko Batlayein
Kya Haal Humara Hota Hai,

Hum Tanha Rone Lagte Hain,
Jab Yaad Tumhari Aati Hai,

Ye Sansein Bhi Tham Jati Hain,
Ye Dhadkan Bhi Ruk Jati Hai,

Hum Jeene Marne Lagte Hain,
Jab Yaad Tumhari Aati Hai,

Jab Hum Tumhein Bhool Jate Hain,
Tu Khud Ko Murda Pati Hai,

Hum Phir Se Jeene Lagte Hain,
Jab Yaad Tumhari Aati Hai.

By Aryan Bakoliya

Tere Ishq Nu Kitta Sajda Si

Shivani Kapoor — Sun, 09 Jun 2013 04:15:27 +0000

Tere Ishq Nu Kitta Sajda Si,
Tere Bina Mera Dil Nahi Lagda Si,

Katon Nibhayi Si Tod Mere Naal Tu,
Je Mere Naal Tera Nahi Sarda Si,

Hun Teri Yaad Te Nitt Sanu Aandi Hai,
Raatan Nu Saun Na Dendi Hai,

Tu Kardi Ya Pher Nahi Si Kardi,
Par Main Pyaar Bada Tenu Karda Si.

By Malkeet Bawa

Yeh Dard-E-Dil Ki Baatein Hain

Shivani Kapoor — Sat, 08 Jun 2013 09:15:32 +0000

Yeh Dard-E-Dil Ki Baatein Hain, Madawa Ho To Tum Se Ho,

Yahaan Marham Usi Ka Hai, Jo Shay Khanjar Chalata Ho.

Kabhi Muskurahat To Kabhi Aahat Hai Chahat

Shivani Kapoor — Sat, 08 Jun 2013 04:15:29 +0000

Kabhi Muskurahat To Kabhi Aahat Hai Chahat,
Kabhi Yaadon Ki Sargoshi To Kabhi Kisi Ki Aahat Hai Chahat,

Kai Rang Bhar Deti Hai Zindagi Mein Ye,
To Kabhi Kore Pannon Ki Sirf Likhawat Hai Chahat,

Kabhi Dard Bhi Ye Beshumar Deti Hai,
To Kabhi Khud Hi Dard Ki Rahat Hai Ye Chahat,

Kabhi Muskurahat To Kabhi Aahat Hai Chahat.

By Saurabh

Khushi Ko Apni Do Aankhoin Mein Basa Kar Dekho

Shivani Kapoor — Fri, 07 Jun 2013 09:52:53 +0000

Khushi Ko Apni Do Aankhon Mein Basa Kar Dekho,
Saare Jahaan Ke Sab Gamon Ko Mita Kar Dekho,

Har Khushi Milegi Tamhe Agar Aisa Karoge Jo,
Kisi Ke Dukh Mein Apne Haath Bada Ke Dekho,

Jara Se Pyaar Se Begaane Apne Ho Jayenge,
Kisi Ko Pyaar Se Tum Apna Bana Kar Dekho,

Khudkushi Karke Bhala Haasil Kya Hota Hai,
Khud Ko Jeevan Ki Aatish Mein Tapa Kar Dekho,

Saare Sahaare Khud-Ba-Khud Tumhein Mil Jayenge,
Tum Insaaniyat Ko Jara Dang Se Nibha Kar Dekho.

Tum Insaaniyat Ko Jara Dang Se Nibha Kar Dekho

Shivani Kapoor — Wed, 05 Jun 2013 04:15:39 +0000

Khudkhushi Karke Bhala Haasil Kya Hota Hai,

Khud Ko Jeevan Ki Aatish Mein Tapa Kar Dekho,

Saare Sahaare Khud-Ba-Khud Tumhein Mil Jayenge,

Tum Insaaniyat Ko Jara Dang Se Nibha Kar Dekho.

By Tulsika