Bas Ik Nigaah-E-Karam Hai

Bas Ik Nigaah-E-Karam Hai Kaafi Agar Unhen Pesh-O-Pas Nahin Hai
Zaahe Tamannaa Ki Meri Fitarat Asir-E-Hirs-O-Havas Nahin Hai

Nazar Se Sayyaad Dur Ho Jaa Yahaan Teraa Mujh Pe Bas Nahin Hai
Chaman Ko Barbaad Karanevaale Ye Aashiyaan Hai Qafas Nahin Hai

Kisi Ke Jalve Tadap Rahe Hain Hudud-E-Hosh-O-Khirad Ke Aage
Hudud-E-Hosh-O-Khirad Ke Aage Nigaah Ke Dastaras Nahin Hai

Jahaan Ki Nayarangiyon Se Yaksar Badal Gai Aashiyaan Ki Surat
Qafas Samajhati Hain Jin Ko Nazaren Vo Dar-Haqiqat Qafas Nahin Hai

Kahaan Ke Naale Kahaan Ki Aahen Jami Hain Un Ki Taraf Nigaahen
Kuchh Is Qadar Mahv-E-Yaad Hun Main Ki Fursat-E-Yak-Nafas Nahin Hai

Tasavvur-E-Ishrat-E-Guzishtaa Kaa Husn-E-Taasir Allaah Allaah
Vahi Fazaayen Vahi Havaayen Chaman Se Kuchh Kam Qafas Nahin Hai

Kisi Ke Be’etanaaiyon Ne Badal Hi Daalaa Nizaam-E-Gulashan
Jo Baat Pahale Bahaar Mein Thi Vo Baat Ab Ke Baras Nahin Hai

Ye Bu-E-Sumbul, Ye Khaandaa Gul Aur Aah! Ye Dard Bhari Sadaayen
Qafas Ke Andar Chaman Ho Shaayad Chaman Ke Andar Qafas Nahin Hai

Na Hosh-E-Khilvat Na Fikr-E-Mahafil Ayaan Ho Ab Kis Pe Haalaat-E-Dil
Main Aap Hi Apanaa Ham-Nafas Hun Meraa Koi Ham-Nafas Nahin Hai

Karen Bhi Kyaa Shikavaa-E-Zamaanaa Kahen Bhi Kyaa Dard Kaa Fasaanaa
Jahaan Mein Hain Laakh Dushman-E-Jaan Koi Masihaa Nafas Nahin Hai

Suni Hai Ahal-E-Junun Ne Aksar Khaamoshi-E-Marg Ki Sadaayen
Sunaa Ye Thaa Kaaravaan-E-Hasti Rahin-E-Baang-E-Jaras Nahin Hai

Chaman Ki Aazaadiyaan Muakhkhar Tasavvur-E-Aashiyaan Muqaddam
Gam-E-Asirihai Naa-Mukammal Agar Gam-E-Khaar-O-Khas Nahin Hai

Na Kar Mujhe Sharmsaar Naaseh Main Dil Se Majabur Hun Ki Jis Kaa
Hai Yun To Kaun-O-Makaan Pe Qaabu Magar Muhabbat Pe Bas Nahin Hai

Kahaan Vo Ummid Aamad Aamad Kahaan Ye Ifaae Ahad-E-Fardaa
Jab Aitabaar-E-Nazar Na Thaa Kuchh Ab Aitabaar-E-Nafas Nahin Hai

Vahin Hain Nagmein Vahi Hai Naale Sun Ai Mujhe Bhul Jaane Vaale
Teri Sama’at Se Dur Hun Main Jabhi To Naalon Mein Ras Nahin Hai

“Shakeel” Duniyaa Mein Jis Ko Dekhaa Kuchh Us Ki Duniyaa Hi Aur Dekhi
Hazaar Naqqaad-E-Zindagi Hain Magar Koi Nuktaaras Nahin Hai

More Shayari by Shakeel Badayuni
28 Nov 2008 No Comment 18

Get Shayari In Email Daily

 Amazing & Funny Photos

Homework, What Homework? Invisible Reflection Photograph By Laura Williams Happy Birthday My Sweet Heart A Little Kitten in Towel Looking Cute Amazing Pink Flower Bird Are We Gonna Die Too? Banana Phone The Click Of Love Khas Bando Ke Liye Khas Ghadi A Picture Of A Very Shy Tiger

Leave a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Funny Veg Jokes

Maths Seekhna Hai To Pappu Se Sikho
Maths Ki Class Mein Teacher Ne Pappu Se Ek Sawal Pucha. Teacher: "Maan Lo Tumhare Papa 500 Rupees Loan Lete Hain, 10%

Abe Judge Ki To Sharam Kar
Santa Ki Ek Accedient Karne Ki Wajah Se Court Mein Pesh Kiya Jata Hai. Judge Logo Ki Tarhaf Dekh Kar Bolta Hai. Ju

Santa Se Akalmand Duniya Mein Koi Aur Kaha
Teen Poultry Farms Ki Inspection Ho Rahi Thi, Inspector: "Aap Murgiyon Ko Kya Dalte Ho?" Sharma: "Ji, Bajra" In

Airtel 4G Vs Reliance Jio
Aajkal Airtel 4G Wali Ladki Gayab Hai. Suna Hai Ki Vo Bhi Reliance Store Ke Bahar Line Mein Lag Kar Reliance Jio Ki F

Balance Dalwate Waqt Is Baat Ka Khayal Rakho
Santa Ne Naya Naya Mobile Liya Tha To Balance Dalwane Dukan Par Gaya Aur Bola Santa: "Yaar 10 Ka Recharge Kardo" D

Join Us on Facebook