Baat Karani Mujhe Mushkil Kabhi Aisi To Na Thi
Jaisi Ab Hai Teri Mahafil Kabhi Aisi To Na Thi
Le Gayaa Chin Ke Kaun Aaj Teraa Sabr-O-Qarar
Beqaraari Tujhe Ai Dil Kabhi Aisi To Na Thi
Chashm-E-Qaatil Meri Dushman Thi Hameshaa Lekin
Jaise Ab Ho Gai Qaatil Kabhi Aisi To Na Thi
Un Ki Aankhon Ne Khudaa Jaane Kiyaa Kyaa Jaadu
Ke Tabiyat Meri Maail Kabhi Aisi To Na Thi
Aks-E-Rukh-E-Yaar Ne Kis Se Hai Tujhe Chamakaayaa
Taab Tujh Men Maah-E-Kaamil Kabhi Aisi To Na Thi
Kyaa Sabab Tu Jo Bigadataa Hai Zafar Se Har Baar
Khu Teri Hur-E-Shamaail Kabhi Aisi To Na Thi